JOVEM TIMOR LOROSA’E IHA TEMPU MODERNISMU NIA LARAN

JOVEM TIMOR LOROSA’E IHA TEMPU

MODERNISMU NIA LARAN

Wainhira ita fo tempu uitoan hodi halo reflesaun ba mundu ida ne'e, ita hasoru buat barak mak transforma no mudansa tiha ona. Transformasaun nebe mak iha laos deit iha parte dezemvolvimentu fisiko deit, maibe refere mos ba iha dezemvolvimentu no transformasaun umano nian. Katak, iha mundu ida ne'e nia lalaok ita hasoru iha mudansa dinamismu nebe mak atrasa mos ho mundu ida ne'e nian lalaok. Transformasaun ida ne'e akontese kuase iha fatin no areia hot-hotu, katak liu husi modernismu fo imfluensia nebe forte tebes ba rai hot-hotu atu transforma no dezemvolve a'an ba faze nebe diak liu no modernu liu, tuir ejizensia moris ema no mundu nian.

Ho razaun ida ne’e, bele deklara katak mundu agora tama iha era nebe mak modernu, impaktu husi modernismo ida ne’e mos, Timor Leste hasoru. Katak iha mundu ne’e nia lalaok iha ritmo nebe mak dinamismu. Realidade no impaktu husi dinamismu mundial ida ne’e ema hot-hotu, li-liu jovem Timor Leste hasoru, katak realidade modernismu nunka mais bele haketak a’an ho involvementu no partisipasaun husi jovem sira. Katak jovem sira mos tama iha areia dezemvolvimentu modernismu mundu ida ne’e. Atu deklara katak iha lalaok modernismu ida ne’e iha mos aspeitu barak nebe mak persiza fo atensaun katak bele sai ameasa ida nebe mak fo impaktu negativu, no iha parte seluk fo impaktu positivu nebe mak bele transforma ema ba iha dezemvolvimentu nebe mak diak no iha valor benefisiu ba ema hotu, li-liu ba jovem sira, espesial jovemtude Timor nebe mak komesa tama iha faze modernismu no transformasaun li-liu iha areia edukasaun, teknologia, siensia, life style no sel-seluk tan nebe mak hetan influensia husi modernismu no globalizasaun.

Jovem iha tempu modernu iha mudansa nebe signifikante tebes, mudanza ida ne’e bazeia mos ba realidade nebe mak tama ona ba tempu modernismu nia laran. Mentalidade ema nia mos transforma tuir ejizensia husi lalaok mundu ne’e nian nebe mak iha mudanza makas tebes. Transformasaun ida ne’e akonteze radikal tebes tamba mentalidade tradisional nian nebe mak uluk sei iha influensia makas ba moris tradisaun nian agora lakon dadaun ona tamba tama ba realidade modernismu nebe mak fo mos impakto ba mentalidade no konseptu moris ema nian li-liu ba moris jovem sira iha tempu agora. Konseptu hanesan vida familiar, kustume no volor tradisaun nebe mak kesi metin lalaok jovem sira komesa lakon dadaun ona tamba situasaun urbanizasaun no industrializasaun nebe mak impakto husi modernismu nebe mak lao lalais tebes iha tempu seculo ida agora, nebe mak forte tebes ninia impaktu ba jovem sira nia hanoin. Transformasaun ida ne’e mos hetan influensa husi revolusaun media nebe mak fo liberdade ba moris nebe mak livre tuir modelo lalaok mundo nian, li-liu iha parte moris no kna’ar lor-loron nian. Ho ida ne’e ita bele dehan katak, moris iha tempu modernismu nia laran muda mos mentalidade no konseptu moris husi ema sira, espesial ba jovem sira nian lalaok moris.

Iha konsepto oi-oin nebe mak refere ba jovem (adolosentes) sira, maibe buat nebe mak ita la bele nega mak katak, realidade transformasaun mundial iha aspeitu teknologia no sciensia nebe makas iha sekulo ohin fo mos impaktu nebe signifikantes tebes ba mentalidade no karakteristika husi foin sa’e (adolosentes) sira nia moris. Liu husi dezemvolvimentu iha areia teknologia, siensia no industria nebe mak lalais iha neba mos iha mudansa ba mentalidade, hanoin no ezijensia moris husi ema ida-idak nian. Ne’e dunik, wainhira laiha kontroladu nebe klean husi sosiedade no familia konaba lalaok jovem sira, jovem sei tama ba ransu ou moris nebe livre entre sira ho sira. Ida ne’e sei fo ameasa nebe peregu tebes ba jovem sira nia futuru.

Iha sociedade ou realidade kontekstu Timor Leste nian, ita sempre rona ou hasoru direitamente konaba jovem sira nia moris nebe sempre nakonu ho dezafiu (challenges). Wainhira laiha kontroladu nebe diak husi sociedade ou familia dalabarak jovem lakon nia konsensia atu bele hatur a’an iha pozisaun nebe bele fo benefisiu nebe positivu ba nia moris. Nune’e, iha tempu modernismu nia laran jovem ou li-liu foin sa’e sira tenki hametin sira nia án ho reflesaun no uza konsensia atu bele defini no hatur án didiak iha realidade moris nia laran. Tamba, problema nebe ita sempre hetan iha jovem sira nia moris mak moris livre, ransu (badiu), droga, sexu livre no moris nebe la kese metin ho regra no norma nebe mak forte. No wainhira jovem sira tama iha situasaun nebe la kontroladu husi ema seluk mak jovem sei moris iha liberdade nebe sei fo ameasa ba nia futuru rasik.

Wainhira koalia konaba modernismu, sempre lori impakto positivu nebe mak fo benefisiu ba ema nia moris, maibe dalabarak mos modernizasaun nebe iha lori mos impaktu nebe negativu wainhira ema, li-liu jovem sira nia mentalidade (kapasidade) laiha preparasaun nebe forte, katak laiha konesemento nebe klean iha sira a’an atu bele asesu tama iha era-modernismu nia laran, jovem sei tama iha lasu modernizasaun nebe mak sei lori foin sa’e (jovem) sira ba dalan negativu nebe peregu tebes ba sira nia vida moris. Dala barak ita hasoru iha ita nia realide nasaun ida ne’e katak, jovem barak mak gasta tempo no opurtunidade ho festa, ransu, droga, moris livre no moris ho goza deit. Jovem barak la utiliza tempu ho diak hodi aprende, estuda no dezemvolve a’an iha aspeito barak nebe bele fo bantazem positivu nebe mak diak ba sira nia futuru. Ita mos hasoru jovem barak lakon sira nia opurtunidade atu suksesu iha aspeitu oi-oin tamba la utiliza ho diak tempo nebe sira iha.

Wainhira ita lao iha cidade Dili nia laran, fatin hira mak sai fatin ba turismu, rekreu no paseu sempre nakonu ho jovem, jovem barak mak gastu tempu ho paseiu, badiu, lao halimar no hakarak santai deit. Iha termu nebe ás liu katak jovem iha tempu modernismu ne’e tama iha konsepto hedonismu, konsumerismu no materialismu. Katak, iha mudansa mentalidade nebe makas entre jovem iha tempu agora. “time is money to be Success ” la tama iha konsepto jovem sira. Ita bele hasoru katak, iha jovem uitoan deit mak utiliza sira nia opurtunidade hodi fo importansia ba sira nia paisazem moris iha futuru nian liu husi aprendizazem, kursu, estudu no aprende rasik ba a’an.

Iha opurtunidade barak mak lakon saugati deit iha jovem sira nebe mak moris la ho komitmentu no prinsipiu nebe forte. Programa barak mak eskola, universidade no instituisaun siensia nian tantu mos opurtunidade barak mak governu (Estadu) harí maibe ita haré iha neba jovem uitoan deit mak hola parte atu bele hetan benefisiu ruma ba sira nia matenek no kapasidade, katak aprendizazem nebe mak diak dala barak jovem sira la fo importasia. Ema barak hili liu dalan nebe bele fo gostu ba sira nia moris; foin sa’e barak mak gasta tempu barak liu ba ransu, passaeiu no santai deit. Iha tempu modernismu ne’e mos ita sempre hasoru katak liafuan sakrifisiu komesa lakon ou menus iha konseptu no hanoin foin sa’e sira, “mental instan” komesa domina jovem sira nia moris. Hakarak moris santai, livre no hetan gostu ba sira nia hakarak deit. Realidade ida ne’e akontese iha estudante sira, nebe mak dalarak la haka’as sira án ho estuda no aprende mesak atu aumenta kapasidade pessoal. Realidade ida ne’e mak akontese iha fatin barak, tamba teknologia no media komunikasaun nebe mak iha fo opurtunidade nebe fasil liu ba jovem sira atu asesu informasaun ne’e dunik estuda no sakrifisiu liu husi le’e no exersiziu pratikamente nebe persiza tempo la dun iha ona interese iha konseptu jovem sira.

Modernismu nebe akompanha mos ho globalizasaun iha aspeitu siensia no tekhnologia lori mos impakto ba transformasaun hanoin ba foin sa’e sira. Liu husi dezemvolvimentu nebe lalais tebes iha aspeitu no koseptu moris modernu ida ne’e iha mos transformasaun no mudansa nebe signifikante tebes ba ema nia hanoin. Dezemvolvimentu no globalizasaun nia lalaok positivu no fo benefisiu nebe barak tebes, maibe wainhira ema (li-liu jovem sira) kuandu la sukat nia pasu hodi tama iha modernizasaun nia laran, ema sei lakon nia konsensia hodi tuir gostu no hakarak nebe bele fo ameasa ba ema ida-idak nia komitmentu no moris. Ne’e dunik, saida mka sai reflesaun ba foin sa’e sira mak, oinsa ema ida-idak bele valoreza no uza konsensia rasik atu bele defini dalan moris nian. Hodi nune’e opurtunidade diak ba futuru la lakon nune’e deit. Nudar jovem tenki iha espiritu nebe maka’as, esperansa nebe forte no komitmentu nebe metin atu nunee iha globalizasaun no modernizasaun nia laran bele hili no tuir dalan nebe bele fo benefisiu iha futuro. Jovem mak ai hun nasaun, jovem mak dalan dezemvolvimentu nasaun ida ne’e nian.

******

LEI PENSAUN VITALISIA VERSUS PRINSÍPIU POLÍTIKA BEM COMMUM

LEI PENSAUN VITALISIA VERSUS PRINSÍPIU POLÍTIKA BEM COMMUM

Wainhira ita asiste notisias sira nebé mak públika iha m­édia sira, hanesan iha journal diária sira iha Timor Leste, dala barak foka liu ba debate sira konaba alterasaun ba Lei Pensaun Vitalisia. LPV nebé hamoru husi meza Parlementu Nasional RDTL sai nafatin tópiku nebé hamosu ideias pro no kontra. Iha ema barak mak hakarak LPV tenki hetan lalais ona promulgasaun husi Presidente da Repúblika RDTL, maibé iha parte seluk mós ema barak bele dehan maiória mak kontra promulgasaun ba alterasaun LPV. Mosu perguntas, tamba saida mak iha pro no kontra ba LPV? LPV iha problemas? Iha injustisa iha LPV? Ida ne’e sei nafatin iha diskusaun no debate nebé naruk tebes entré lideransa polítika sira iha nasaun ida ne’e durante lei ida ne’e mosu iha meza uma fukun Parlementu Nasional RDTL.

Iha konseptu lei nian, lei nebé sai husi meza perlementu nasaun ida nunka mais viola ema nia direitu maibé sempré defende direitu ema hot-hotu nian. Iha sistema polítika nasaun nian, lei ou normas sira nebé mak governu hasai liu husi parlamentu ida sempre bazeia ba necessidade no prinsípiu bem komum nasaun ida nian, ne’e dunik lei ou normas sira nebé mak mosu husi mesa parlementu nasaun ida sempre bazeia ba necessidade ema hot-hotu. Wainhira ita haré fila fali ba realidade lei sira nebé mak altera ona iha parlamentu nasional iha Timor Leste, iha lei barak mak sei abandona hela iha meza parlamentu. Maibe úniku uitóan so lei ida deit mak sai kestaun nebé mak to agora sei sai pro no kontra ba promulgasaun lei ne’e nian, tantu mós hetan ona veta ba dalarua husi Presidente Repúblika Taur Matan Ruak. Membru maiória parlementu sira ejizi atu hetan promugasaun lalais maibe lei ne’e sei veta hela husi Presidenti Repúblika, tamba ho razaun oi-oin nebé mak ita bele dehan lójika dunik kuandu ita haré husi prinsípiu óptiku urjenidade husi necessidade lei ne’e nian.

Haré fali ba kontiudu husi Lei Pensaun Vitalisia sira nebé mosu iha ninia artigu sira, ita bele dehan katak, lei ida ne’e bele sai armazem (lumbung, gudang) ba eis titulares no eis membru parlementu sira. Lei ida ne’e hamosu husi inisiativa atu hariku no bele dehan sai previleizu bo’ot ba eis titulares sira. Iha hanoin barak mosu katak LPV atu fo dignidade ba eis priméiro membru governu (eis membru titulares) nebe mak maiória mesak veteranus deit no eis membru assembleia konstituite sira. Tamba ida ne’e iha kontiudu LPV ida ne’e bele dehan sai dalan nebé diak ba ema hot-hotu atu halo kompete hodi hadau malu atu bele hetan pozisaun iha Parlementu Nasional. Realidade ida ne’e mós ita bele dehan, sai dalan ida ba ema atu harí partidu hanesan harí loza iha cidade laran. Bele dehan katak wainhira LPV ne’e promulga ona husi Presidente Republika sei fo benefisu lubuk ba eis membru parlamentu no família tomak. Tamba sira la persiza servisu, la persiza fera kakutak ona tamba fulan-fulan sira simu pensaun vitalisia husi estadu; sira ho família tomak bele goza salariu estadu nian ho gratuita.

Mesmu iha revisaun ba LPV ne’e, maibé ita bele dehan katak, revisaun nebé iha la halakon nia benefisisu ba eis membru parlementu sira. Ne’e dunik, hamosu aksaun kontra no protesta barak husi sociedade civíl, estudante universitário sira, instituisaun no husi intelektual balu nebé fo dunik interese ba dezemvolvimentu ba nasaun ida ne’e, nebé hakarak halakon no hamós tiha LPV iha meza Parlementu RDTL nian. Presidente Repúblika Taur Matan Ruak rasik mós ho konsiente hateten katak LPV ne’e viola povu nia direito tamba nia benefisio ba membru eis titularis no membru parlementu sira nebé mak pensaun ona husi sira nia kargu núdar membru Parlementu Nasional iha nasaun ida ne’e. Tantu ida ne’e mós komande Jeral Major Lere Anan Timur no eis Presidente José Ramos Horta mos dehan katak LPV ne’e injustisa, tamba eis titulares no eis membru parlamentu sira deit mak goza estadu nia osan, maibé ita haré didiak ba experénsia passadu ema barak mak luta ba libertasaun nasaun ida ne’e. Kuando LPV ne’e aprova dunik husi Presidente Repúblika oinsa ho fungsionarius sira seluk, veteranus sira no sira nebé mak luta no fo án tomak ba libertasaun rai doben ida ne’e maibé depois de ida ne’e sira nia padareiro agora hanesan agrikultor no ema cívil bai-bain deit? Sira mós iha direito hanesan ho eis titulares no eis membru parlementu sira? Lójika konsiénte ita tau ita nia fuan iha nebé hodi fo onra ba sira nia luta.

Iha aspeito etika polítika nian mós ita bele dehan katak LPV hanesan korupsaun ida nebé lideransa sira halo ba sira a’an depois de sira nia mandatu remata. Ita bele dehan katak LPV hanesan dalan ba korupsaun nebé mak diak liu (jalan pintas) ba lideransa sira nebé mak ukun nasaun ida ne’e ba tinan 4 ou 5 deit depois sira bele hetan osan fulan-fulan ho gratuita husi governu. Liu husi LPV ida ne’e bele hadook sira husi aksaun korupsaun mesmo sira han osan povu nian nebé mak ita bele dehan uza hodi halao dezemvolvimentu ba nasaun ida ne’e bele hamenus mukit no kiak barak iha nasaun ida ne’e. Ita haré iha nasaun barak iha mundu mak fo pensaun ba membru governu tantu mos sira nebé tur iha Parlementu Nasional rai ida nian, sira simu salariu pensaun nian la bo’ot liu sira nia salario fulan-fulan, maibé iha ita nia nasaun ne’e “terbalik”, tamba depois sira nia kargu remata sira hetan subsidiu nebé mak bo’ot liu fali bahkan “berlipat-lipat ganda”. Ne’e dunik ho lójika ita bele dehan katak ho LPV ida ne’e sai ona dalan korta (jalan pintas) nebé mak lideransa sira (membru parlamentar) halo atu bele fo benefisiu ba sira nia án depois sira nia mandatu remata nudar membru governu iha uma fukun Parlementu Nasional nasaun doben ida ne’e. Ho razaun ida ne’e mak maiória povu sociedade cívil no intelektual barak hakarak rejeita total, hasai tiha LPV nebé mak la justu no kria injustisa iha nasaun ida ne’e.

Haré ba kontiudu husi LPV ne’e ita bele dehan ignorasia ou bele dehan mos irasional tamba lei ne’e la depende ba Konstituisaun RDTL nian, nebé mak dehan katak, liberdade rai ida ne’e ema hotu nian no ema hotu iha direito nebé hanesan atu goza ba ukun rasik án ida ne’e. Maibe LPV, haluhan tiha mandatu ida nebé hakerek nanis ona iha lei inan nasaun ida ne’e nian. “Seolah-olah” LPV nebe hasai husi meza plenaria Parlemtentu Nasional nasaun ida ne’e nian mak “koko” atu kria injustisa. LPV nebé mosu agora iha públika, hamosu reaksaun nebé makas tebes husi sociedade civíl sira tamba hamosu pesimismo husi ema barak, tamba desizaun-desizaun polítika nebé mak mosu dalabarak fo deit benefisiu ba lideransa sira. Desizaun-desizaun iha parlamento konaba lei no normas ba nasaun ida ne’e dalabarak la depende ba necessidade povu nasaun ida ne’e maibé sempré fo valor posítivu deit ba membru parlementu sira. Ho situasaun ida ne’e ita bele dehan katak lei iha Timor seidauk responde ba prinsipio bonum commune husi maiória povu nasaun ida ne’e. Lei halo no aplika deit ba povu, mukit sira no ema ki’ik sira husi nasaun ida ne’e, maibé lideransa sira livre husi sansaun (kebal hukum) tamba dalabarak lei nebé mosu sempré depende lideransa sira nia aksaun polítika. Bele dehan lei iha Timor  ne’e “Tumpul ke atas dan tajam ke bawah”. Ezemplu mak ho LPV nebé mak sai debate iha públiku dau-daun, defende uluk direitu lideransa sira no direitu povu nian nebé mak bele dehan emerjensia teb-tebes tau tiha iha kotuk.

Wainhira LPV hetan ona promulgasaun ita la bele imagina saida mak atu akontese ba nasaun ida ne’e iha tinan 50 oin mai. Eis membru parlementu sira (eis titulares balun) hira husi periodu ba periodu mak simu pensaun vitalisia. Ema nainhira mak goza no ema nainhira mak mukit no kiak iha rai ida ne’e? Dezemvolvimentu hira mak bele lao ona iha rai ida ne’e kuando kada periodu membru parlementu sira okupadu deit ho maneira oi-oin oinsa atu hetan pensaun vitalisia depois de sira nia mandatu, lei barak mak sei abandona hela iha meza plenaria parlemento tamba membru parlemento sira hanoin deit mak oinsa hetan pensaun vitalisia depois de sira nia mandatu. Ho ida ne’e ida bele dehan dezemvolvimentu nasaun Timor Leste sei marka passo hela deit iha fatin no kuantidade kiak, mukit no povu aileba sira sei aumenta ba bebeik, graduasaun universitaria sira sei aumenta ba bebeik no númeru dezempregu iha rai ida ne’e sei ás ba bei-beik kada tinan. Ho ida ne’e ita bele dehan pensaun vitalisia injustisa no halakon demokrasia iha rai ida ne’e tamba iha realidade goza ba ukun án ida ne’e tó deit iha lideransa nasaun sira, mukit no kiak sira mantein nafatin iha sira nia pozisaun.

Ita haré ba prinsípiu etika polítika, polítika nia objetivu mak bem komum, atu to iha pasu ida ne’e polítika tenki responde ba necesidade komum, katak saida mak sai prinsipal iha nasaun ida li-liu iha aspeitu dezemvolvimentu no prosperidade ba povu nia moris. Hanesan lei inan Timor Leste nian kestiona katak libertasaun ba ukun rasik án, rai ida ne’e ema hot-hotu nian esforsu-án hamutuk, sakrifisiu nebé mak povu Timor oan tomak halo hodi luta ba ukun rasik án ida ne’e, au mesmo tempo mós depois ukun rasik án povu Timor oan hotu mós iha direitu nebé hanesan atu goza ukun rasik án nebé mak hetan ho ran no sakrifisiu ema hotu nian. Maibé realidade konseptu husi bem komum ida ne’e sai hanesan utópia ida deit nebé mak nunka realiza, tamba realidade polítika husi primeiru governu konstituisaun to mai iha sexto governu konstituisaun iha nasaun ida ne’e nebé mak goza ba ukun rasik án, ida ne’e iha ema uitoan deit. Iha ema barak mak sei halerik nafatin ba dezemvolvimentu nasaun ida ne’e. Povu aileba sira nafatin mantein iha sira nia pozisaun, kiak no mukit sira halerik nafatin no dezempregu iha rai laran mós kada tinan nia kuantidade aumenta ba bebeik. Oinsa atu responde ba perguntas hirak ne’e, seidauk tama iha ajenda lideransa nasaun ida ne’e, tamba lideransa barak mak sei esforsu án ho manéira oi-oin atu hariku família deit hodi haluhan tiha sira nia obrigatóriu no responsabilidade ba povu nasaun ida ne’e nia ezijensia.

Wainhira ita halo reflesaun hodi haré fila fali ba lalaok polítika no dezemvolvimentu husi ita nia nasaun doben ida ne’e desde inisiu ukun rasik án to mai ohin loron, iha problemas no konflitus oi-oin deit mak nabutuk hela deit nebé nunka hetan ninia solusaun tantu mós iha area dezemvolvimentu fíziku mós lao hakdasak hela deit. Atu dehan ho lojikamente katak, ita nia ukun rasik án nebé agora tama ba tinan 14 ona, seidauk bele responde ejizensia komum nia necessidade. Refléte ba realidade esperensia polítika iha tempu pasadu nian nebé nakonu ho sofrementu tenki sai ona reflesaun ida ba ita hotu oinsa atu fo interese ba dignidade rai doben ida ne’e iha nasaun internasionais sira oin.  Tendensaun polítika nebé sai ezijensia ba rai ida ne’e mak oinsa povu bele moris iha prosperidade no iha necessidade nebe bele sustenta sira nia moris, Tantu mós oinsa governu kría dezemvolvimentu hodi prepara kampu servisu, hodi nune’e bele hamenus mukit, kiak no dezempregu nebe kada tinan sei aumenta ba bebeik. Estadu tenki matan moris no neon nain hodi loke matan no haré grafitasaun no númeru populasaun nebé mak mukit hela, dezempregu nebé ho númeru ás, area rurais sira nebé defisil atu hetan asesu no tulun lalais, laos lor-loron mak debate no buka maneira oi-oin atu hetan benefisiu deit ba sira nia án, hanesan dadauk mosu LPV nebé mak sai obstaklu no halo konfuzaun ema barak nia hanoin.

Mesmo ita harí ona Komisaun Anti korupsaun (CAC) iha Timor Leste atu kombate hahalok malpolítika iha rai ida ne’e husi aksaun korupsaun maibé korupsaun sempré mosu ho ilãs foun iha lideransa sira “korupsi terselubung”, liu husi maneiras oi-oin nebé mak mamar (halus) liu. Ne’e dunik ita haré ba kontiudu husi LPV ne’e ita bele dehan katak “korupsi terselubung“ moris buras nafatin iha Timor Leste. Ho razaun saida? Tamba membru governu sira prepara án antes tiha ona ho lei ida nebé mak bele garantia sira depois sira nia mandato legistlativu iha parlementu nasional. Depois ramata sira nia kna’ar sira la persiza hikis kosar ben ona tamba sira bele goza nafatin saláriu husi governu nebé mak sai direito povu nian ba sira nia án. Eis membru parlamentu sira no eis titulares sira la persiza servisu no sira bele diskansa naruk iha uma deit tamba sira nafatin hetan subsídiu, uma gratuita, edifísiu servisu iha (atu halo saida ho edifisiu privadu?), kareta gratuita, viagem ba rai liur tuir hakarak ho gratuita, telemovel gratuita tantu mós simu saláriu pensaun vitalisia kada fulan.

Mosu protesta no krítika oi-oin nebé mai husi sociedade civíl, intelektual akadémiku sira, universitáriu sira, institúto sira maibe atu responde ba kritíka no protesta nebé mosu laiha; lideransa sira metenek atu ”mengalihkan” polítika nebé iha ho maneira oi-oin. Mosu krítika nebé forte atu halakon no hamós tiha LPV ne’e maibé laiha resposta nebé klaru husi membru parlementu sira, mesmo iha realidade hetan veta tiha ona husi PR maibé deputadu sira ezizi nafatin atu halo ratifikasaun no foti ida ne’e sai kestaun bo’ot ida hodi atu lori PR ba tribunal ho razaun konseptu husi PR ne’e inkonstitusional tamba kontra direitu membru parlementu sira. Mosu pergunta oi-oin iha kakutak. Oinsa ho han osan pensaun vitalisia nebé ho nia montante bo’ot teb-tebes, ne’e inkonstitusional k lae? Simu saláriu pensaun vitalisia kada fulan ho montante nebe ás tebes, hela iha uma luxu, hetan kareta luxu, halo viagem gratuita ho família ba estranjeiru, telemovel gratuita, no sel-seluk tan ho gratuita ne’e inkonstitusional k lae? Husik hela povu mukit sira kiak nafatin, dezempregu aumenta kada tinan, dezemvolvimentu paradu no hakdasak iha fatin, konstrusaun ba nasaun ida ne’e abandona nafatin, direitu povu nia lakon tiha deit ho prezensa LPV, ne’e inkonstitusional k lae?

Demokratizasaun nebé implementa iha nasaun ida ne’e ita bele dehan sai deit simbolu ida ba nasaun. Tamba ita bele halo diskusaun no dialogu oi-oin konaba termu demokratizasaun maibé ne’e para deit iha konseptu nebé mak defisil teb-tebes atu realiza iha nasaun demokrátiku ida ne’e’. Termu demokratizasaun iha deit ba lideransa sira tamba sira koalia deit saida mak sai sira nia direitu maibé saida mak sai direito povu nian tuir lalaok prinsípiu polítika demokratizasaun nunka sai konkrétu iha nasaun ida ne’e. Povu sai deit instrumentu ida atu sai suksesor ba mehi ho hanoin husi lideransa sira nia ejizensia. Povu Timor sai deit instrumentu ida nebé mak lori ita nia lideransa sira hodi habokur sira nia án no família. Haré ba realidade ida ne’e ita bele dehan demokratizasaun rai doben ida ne’e sei marka passu deit iha fatin. Konseptu nasaun nebé dezemvolvidu no prospero sai deit utópia nebé mak nunka konkrétu iha Timor Leste. Tamba goza ba ukun rasik án nasaun ida ne’e to deit iha lideransa sira, povu nafatin mantein iha sira nia pozisaun nebé sai ailebador nafatin leba ai lor-loron iha lurón, nebé kiak nafatin kiak rabat rai, mukit nafatin terus iha sira nia susar sira. Haré ba realidade ida ne’e ita nia konsensia tanis no halerik no nafatin hakilar maibé laiha responde ida mak mosu. Bainhira los mak prosperidade no haksolok ba povu Timor ne’e bele realiza, sai nafatin perguntas bo’ot mai ita!

---oo0oo---

IGREJA NO POLITIKA: HARÍ RELASAUN DIALOGO PROFETISMO ENTRE IGREJA NO POLITIKA IHA TIMOR LESTE (Reflesaun ba 500-anos Misaun Katolika Tama iha Timor Leste)

IGREJA NO POLITIKA:

HARÍ RELASAUN DIALOGO PROFETISMO ENTRE IGREJA NO POLITIKA

IHA TIMOR LESTE

(Reflesaun ba 500-anos Misaun Katolika Tama iha Timor Leste)

Iha Tinan 2015, Igreja Katólika iha Timor Leste komemora tinan 500 missaun Igreja Katólika tama iha Timor Leste. Existensia Evangelizasaun iha Timor Leste iha tinan nebe naruk makás, katak iha hatan nebe diak konaba prezensa Missaun Katólika husi misionario malae sira nebe lori missaun lulik ida ne’e mai iha Timor. Mesmo, prosesu Evangelizasaun ne’e la fasil atu halao, maibe ho korazen no espirito nebe forte malae sira harí dunik misaun iha rai ida ne’e. Katak, misaun Evangelizasaun ne’e halao ho pasu nebe naruk, maibe iha responde positivu husi povu rai ida ne’e ba prezensa uma Kreda nian iha Timor Leste.

Iha lalaok misaun Igreja Katólika iha Timor, la ses án mos husi lalaok politika kolonialismu nian. Katak papel Igreja iha rai ida ne’e akompanha mos ho aktividade politika nebe malae kolonialismo sira halo iha rai doben ida ne’e. Iha ne’e ita bele haré katak, lalaok politika no Igreja iha momento kolonialismo lao iha paso ida deit. Aproveita ho kolonislismo malae nian ida ne’e Missaun Igreja halao mos ninia missaun evangelizasaun. Katak, iha momento neba relasaun entre politika no Igreja iha pasu nebe diak, iha kolaborasaun no servisu hamutuk nebe diak. Iha tempo nebe naruk, misaun Katólika habelar nia evangelizasaun iha rai Timor ida ne’e. No realidade nebe mak bele hetan, to ohin loron missaun Igreja halao nia kna’ar apostolado Evangelho iha fatin hot-hotu iha rai doben ida ne’e.

Tanto ida ne’e, iha selebrasaun tinan 500 missaun Igreja Katólika halao nia missaun Evangelizasaun mai iha rai doben ida ne’e atu hatudu ba mundo katak ho tinan nebe naruk tebes nasaun Timor Leste esforso án atu hatudu nia identidade nasionalismo ba mundo tomak katak iha paso nebe ás tebes povo Timor halao nia pregrinasaun nebe nakonu ho obstaklu no dezafiu oi-oin hodi hatudu nia identidade ba mundo katak Timor mos rai ida nebe iha direito atu hamrik no ukun nia án hanesan mos nasaun sira seluk iha mundo tomak. Iha tinan 400 malae kolonialismo Portuguesa sira ukun rai ida ne’e no iha tempo barak nia laran mosu mos revolta hasoru ukun kolonialismo sira nian nebe mak hatudu husi povo Timor rasik atu defende no foti ás identidade rai ida ne’e.

Depois de malae kolonialismo sira dada án husi Timor, povo Timor mos kontinua hasoru dezafiu nebe sofre tebes, hetan invazaun husi nasaun vizinhu Indonesia. Durante tinan 24 Timor tama iha momento nebe sofre no terus tamba aswain barak no Timor oan lubuk ida mak kontinua lakon nia vida hodi defende identidade rai ida ne’e, rezultadu ikus mak Timor hetan nia independensia liu husi konsulta popular nebe mak hatudu katak Timor oan hotu hakarak ukun rasik án. Mehi nebe naruk realiza dunik iha 30 de Augusto 1999, maibe atu hetan ukun rasik án ida ne’e, Timor oan barak mos lakon nia vida. No ohin loron Timor oan bele haksolok tamba terus no ran nebe naksulik tamba ukun rasik án bele realiza.

Iha pasadu, ita hotu haré no hatene katak papel Igreja Katólika no politika lao ho objetivo ida deit. Iha servisu no luta hamutuk entre parte rua ne’e mak Timor bele manan nia mehi atu ukun rasik án. Realidade kolaborasaun ida ne’e mak to ohin loron iha nia kontinuasaun, katak Igreja ho politika (nasaun) hakarak lao hamutuk hodi foti dignidade rai ida ne’e, li-liu iha aspeito dezemvolvimento iha aspeito oi-oin. Katak iha prosesu ba ukun rasik án nebe naruk partisipasaun Igreja nian ita nunka mais bele nega; Timor oan hotu hatene no orgolhu tebes tamba iha pasado iha kolaborasaun nebe diak tebes entre Igreja no politika, li-liu politika libertasaun hodi defende dignidade no ukun rasik án povo Timor. Baseia ba hanoin ida ne’e Timor oan tenki avansa ba oin hodi dezemvolve no hamoris rai doben ida ne’e atu nune’e Timor oan hot-hotu bele senti resultadu nebe positivo husi ukun rasik án nebe sosa ho ran herois no martir sira nebe fakar sira ran hodi defende rai santo ida ne’e.

Haré ba realidade moris pasadu nian entre politika no lalaok uma Kreda Katólika katak iha kolaborasaun no tulun malu nebe forte mak hodi lori rai doben ida ne’e ba ukun rasik án. Mesmo iha dutrina Igreja nian entre politika no uma Kreda buat rua nebe nunka mais bele halo ida deit. Ho razaun katak, Igreja fo atensaun liu ba apoio humanidade, moralidade no mos dignidade ema nian no iha parte seluk politika toma konta ba realidade sosiais no vida politika nian. Maibe haré objetivo final entre buat rua ne’e mak defende direito, dignidade no moris ema hot-hotu nian. Tanto prinsipu ida ne’e mak Igreja nunka mais bele hases án ou hafahe án ho realidade politika ho nia razaun mak atu lori povu rai ida ne’e ba bem comum. Katak Igreja mos iha responsabilidade iha area politika, tamba realidade politika nudar aspeito ida nebe mak la hamrik mesak husi Igreja nian atensaun. Existensia uma kreda (Igreja) iha Timor hatudu katak lori impakto positivo ba lalaok politika iha nasaun ida ne’e. Ho razaun katak uma kreda mak ema Timor oan tomak, no objetivo politika mak ba ema Timor oan hotu nebe mak existe iha rai doben ida ne’e.

Lembra fali lalaok Evangelizasaun missaun uma kreda iha rai ida ne’e mak agora tama iha tinan 500, iha aspeto barak mak sai reflesaun ba Timor oan tomak, oinsa atu haré ba oin, saida mak ema Timor oan tenki halo ba rai ida ne’e hodi hatudu ba mundo katak exitensia missaun katólika iha rai ida ne’e hetan duni antusiasmo nebe ás tebes husi povo rai ida ne’e. Maibe haré realidade praktiko nebe akontese iha nasaun ida ne’e mosu pergunta bo’ot mai ita hotu katak saida mak ita halo ona ba rai ida ne’e, li-liu ba missaun uma kreda katólika iha Timor?

Nudar instituisaun religiaun ida, Igreja iha influensa nebe makás tebes ba lalaok politika iha nasaun ida ne’e. li-liu iha aspeito sosio-politika, realidade ida ne’e tamba disizaun politika nebe mak iha sempre konaba bem comum povo tomak nebe mak ho identidade katólika, katak desizaun politika nia objetivo ba ema hotu nebe mak existi iha rai ida ne’e. Existensia Igreja ba iha realidade sosio-politika hanesan instituisaun nebe mak toma konta iha aspeito moral politika iha kontesto povo Timor tomak. Tanto, haré ba lalaok povu Timor Leste iha nia luta ba libertasaun nasionalismo Igreja mos sempre partisipa iha luta ida ne’e, li-liu iha parte defende liberdade, dignidade no direito humanus povu Timor Leste husi persekusaun, intimidasaun, violensia, teror no ameasa nebe mak halakon dignidade no moris povu rai doben ida ne’e. Katak, iha prosesu libertasaun independensia nasaun Timor Leste Igreja mos hola parte iha prosesu ba ukun rasik án ida nebe realiza iha konsulta popular iha tinan 1999 liu ba.

Alende ida ne’e, iha selebrasaun ba tinan 500 missaun Evangelizasaun ida ne’e, núdar Timor oan ita mos fo apresia ba “emprendedor missionaria” nebe mak ho korazem no berani hahu sira nia misionaria evangelizasaun ba missaun Igreja katólika mai iha Timor. Ita haré iha memoria pasadu nebe povo Timor sira luta hodi to mai iha ukun rasik án, missaun Igreja ho povu Timor lao hamutuk hodi luta ba liberdade povo ida ne’e husi kolonialismo malae mutin sira no invazaun Indonesia nian, katak papel Igreja iha história Timor bo’ot ba prosesu libertasaun nasional rai ida ne’e, nebe Igreja hasoru durante prosesu konkretizasaun nasional ba to iha ukun rasik án nian. Apresiasaun ba misionaria sira nebe hahu sira nia missaun Igreja Katólika iha rai ida ne’e, Timor Leste hatudo liu husi valor no kuantidade povu Timor nebe maioria ho identidade Katólika.

Katak husi proseso kolonialismo no missaun Evangelizasaun iha rai Timor Leste iha tempo pasadu liu ba ita bele hatudo no nakloke ba mundo katak Timor mos nu’udar povo ida iha identidade mesak nebe uniko nebe ema seluk labele halakon. Tamba esperansa nasionalismo nebe forte iha Timor oan nia laran, iha movimento kolonialismo to mai iha invasaun husi Indonesia nian, Timor oan husi rai doben ida ne’e iha espirito nebe bo’ot tebes hakarak defende nia kultura no identidade rasik. Mesmo iha realidade katak iha tempo ukun kolonialismo mai to iha Indonesia nia tempo povu Timor hasoru dezafiu no dalan nakukun barak, sempre hasoru dezafiu, sofrementu no ameasa bo’ot husi rai liur, núdar Timor oan mosu espirito unidade nebe bo’ot tebes katak hakarak ou lahohi Timor tenki luta ba nia liberdade.

Iha tempo no luta nebe naruk tebes Timor ohin loron hetan nia independensia, no iha tinan 2015 ne’e Igreja no estadu Timor Leste bele komemora tinan 500 ba prezensa missaun Evangelizasaun tama mai iha Timor. Haré ba missaun Igreja nebe kuda iha rai ida ne’e ho tempo nebe naruk, ita persiza hateke kle’an liu tan ba realidade moris Igreja Timor tó ba ohin loron. Saida mak Timor oan sira hatudu no halo ona ba rai ida ne’e. Ita hateke fali ba kotuk, iha historia nakukun barak mak fo koor ba lalaok rai doben ida ne’e katak, iha problema, dezafiu no sofremento oi-oin mak rai ida ne’e hasoru. Mosu pregunta bo’ot mai ita, ho prezensa missaun Igreja Katólika nebe mak ohin loron tama ona ba tinan 500 saida mak Timor oan sira halo ona hodi tuba no harí fiar ba Igreja Katólika? Maibe, nudar nasaun ida nebe mak ho fiar ba Uma Kreda, ita sempre iha esperansa bo’ot katak loron ida Timor Leste sei iha jerasaun foun ne'ebe mak nakonu ho sentimento nasionalismu, hadomi Timor Leste no iha hanoin no vontade diak atu lori nasaun ba oin ho povu nebe mak moris diak, li-liu iha konsensia atu moris nudar sarani kristaun nebe diak tuir dutrina no lalaok fiar Katolika nian.

Iha selebrasaun ba tinan 500 Evangelizasaun iha Timor Leste ida ne’e mos, atu lori ita hotu ba konsepto ida deit katak atu lori rai ida ne’e ba dezemvolvimento no bem comum nian mak ita tenki hametin no kaer metin prinsipiu tolu mak unidade, responsabilidade no amizade. Liu husi prinsipiu hirak ne’e ita bele ho hanoin ida deit mak lori paz no liberdade ba ema hotu iha rai doben ida ne’e. Atu realiza mehi ida ne’e Igreja no politika hametin korazem katak iha kolaborasaun nebe diak entre instituto rua ne’e mak Timor oan bele hamrík metin iha nia ukun rasik án ida ne’e. Katak, realidade ba ukun rasik án ne’e povu Timor hatudu liu husi dezemvolvimento nasional nebe ema hotu bele hetan, senti no bele goza ba ukun rasik án rai ida ne’e nian.

***

DEMOKRASI VERSUS KORUPSI: MENEROPONG FENOMENA KORUPSI DARI SUDUT PANDANG MORAL POLITIK

DEMOKRASI VERSUS KORUPSI:

MENEROPONG FENOMENA KORUPSI DARI SUDUT PANDANG MORAL POLITIK

Carlito d’ Costa Araujo, O’Carm

Alumni Pasca-Sarjana STFK Ledalero-Maumere. Tinggal di Dili - Hera

Lord Acton dalam sebuah wacana terkenalnya pernah mengatakan “Power tends to corrupt, and absolute power corrupts absolutely”. Kekuasan cenderung korup dan kekuasaan absolut (niscaya) korup secara absolut pula. Menegaskan bahwa kekuasaan sering memainkan peran manipulatif dan cenderung untuk menindas. Berbicara politik selalu berkaitan dengan kekuasaan. Dalam konsep Aristoteles, politik dipahami sebagai tatacara mengelola kota (negara) untuk kesejahteraan bersama seluruh warganya (polites). Bagi Aristoteles, politik merupakan seni mengelola kekuasaan dengan konstitusi (politeia) demi kepentingan umum. Sayangnya, terma politik yang suci tersebut kadang disalahterjemahkan oleh segelintir elitis dalam kancah politik dewasa ini. Politik lebih cenderung dialami sebagai cara-cara meraih kekuasaan dengan cara apapun dan menyala-gunakannya untuk kepentingan pribadi dan kelompok. Ketika kekuasaan berada di tangan orang yang salah karena diraih melalui cara-cara yang salah, pastilah akan digunakan secara salah (abuse of power) pula. Maka politik akan kehilangan makna; dari politik kepentingan bersama menjadi politik kepentingan partial (kepentingan pribadi atau segelintir orang).

Menyimak berita dalam negeri beberapa pekan terakhir di beberapa media massa Timor Leste, korupsi menjadi trand topic yang dibahas, dipersoalkan dan diwacanakan terus-menerus di samping beberapa topik yang lagi “senter” dalam beberapa hari belakangan ini. Korupsi seakan-akan sudah menjamur di berbagai aspek kehidupan bahkan menjadi wacana publik yang tidak lagi asing di telinga masyarakat Timor Leste. Korupsi (bahasa latin: courruptio dari kata kerja corrumpere, yang bermakna busuk, rusak, menggoyahkan, memutarbalik, menyogok). Secara harafiah, korupsi adalah perilaku pejabat publik, baik politikus/politisi maupun siapa saja, yang secara tidak wajar dan tidak legal memperkaya diri atau memperkaya mereka yang dekat dengannya, dengan menyalahgunakan kekuasaan publik yang dipercayakan kepada mereka. Fenomena politik demikianlah yang sering menghiasi panorama politik di negara yang mengusung demokrasi sebagai pilar politiknya.

Beragam aktus korupsi di Timor Leste sering dilakonkan dan tidak jarang pula beberapa orang elit politik yang sudah terjerat ke dalam tindakan korupsi. Meskipun demikian perilaku korupsi semakin menjadi-jadi. Sehingga muncul beragam interpretasi tentang korupsi. Korupsi bukan lagi suatu pelanggaran hukum, akan tetapi korupsi sudah sekedar menjadi suatu kebiasan, hal ini dikarenakan korupsi berkembang dan tumbuh subur terutama di kalangan para pejabat dan elit politik dari level tertinggi sampai ke tingkat yang paling rendah. Korupsi yang semakin subur dan seakan tak pernah ada habisnya, merupakan bukti nyata betapa bobroknya moralitas para pejabat publik di bumi Lorosa’e ini. Namun apakah korupsi hanya diakibatkan oleh persoalan moralitas belaka? Setidaknya terdapat beberapa asumsi yang menjadi dasar terjadinya perilaku korupsi, antara lain lemahnya kesadaran akan kepentingan kolektif, bobroknya mental para pejabat publik, mengabaikan kepentingan orang lain serta lemahnya kesadaran moral serta ketamakan dan kerakusan akan kekayaan (mental materialistik dan hedonistik) yang mengabaikan bonum commune.

Pada umumnya, korupsi adalah benalu sosial yang merusak struktur pemerintahan dan menjadi penghambat utama terhadap pemerintahan dan mematikan pembangunan negara. Selain itu, Korupsi merupakan bagian dari gejala sosial yang masuk dalam klasifikasi menyimpang (negatif), karena merupakan perilaku sosial yang merugikan individu lain dalam masyarakat, menghilangkan konsensus yang berdasar pada keadilan, kesejahteraan serta pembunuhan karakter terhadap individu itu sendiri. Tindakan korupsi ini merupakan produk dari sikap hidup satu kelompok masyarakat atau perorangan yang memakai uang sebagai jaminan kebenaran dan sebagai kekuasaaan mutlak. Sebagai akibatnya, kaum koruptor yang kaya raya dan para politisi korup yang berkelebihan uang bisa masuk ke dalam golongan elit yang berkuasa dan sangat dihormati bahkan jauh dari sentuhan hukum dan konstitusi. Mereka ini juga akan menduduki strata sosial yang tinggi di mata masyarakat dengan mengabaikan apa yang menjadi hak orang lain secara khusus mereka yang menjadi korban dari tindakan korupsi.

Jika kita menyimak perhelatan politik negara ini dalam beberapa periode terakhir, korupsi sangat tumbuh subur, bahkan menjadi ladang bagi para koruptor untuk mengumpulkan pundi-pundi kekayaan dan harta benda. Aktus korupsi terjadi hampir di seluruh bidang kehidupan, bahkan korupsi sudah menjadi suatu yang lumrah bahkan dianggap sebagai suatu hal yang biasa bagi siapa saja yang mendapat peluang untuk memperkaya diri. Aktus korupsi yang semakin merebak di negara ini mengindikasikan bahwa prinsip-prinsip demokrasi belum mendapat tempat dalam perhelatan politik di negara ini. Dengan semakin maraknya parilaku korupsi maka secara otomatis pengabaian terhadap prinsip-prinsip demokratisasi yang dijadikan tonggak pemerintahan negara ini yakni transparansi, partisipasi dan akuntabilitas mengalami pengerdilan makna dan wajah demokrasi bangsa ini menjadi suram dan tak bermakna.

Jika kita menelisik korupsi dari optik moral politik maka, korupsi adalah suatu perilaku para elit politik yang mengabaikan kepentingan bersama (bonum commune). Korupsi adalah suatu tindakan mengambil (menghilangkan, mencuri dan merampas) apa yang menjadi hak-hak orang lain secara khusus orang kecil, miskin dan kaum lemah. Korupsi merupakan suatu tindakan amoral yang merusak integritas bangsa Timor Leste sebagai negara yang menjunjung tinggi prinsip-prinsip demokrasi dan menempatkan konstitusi sebagai hukum tertinggi bangsa ini. Jika aktus korupsi dibiarkan terus-menerus maka hukum yang menjadi pilar bangsa ini dinodai dan dinistai oleh para elitis bangsa ini yang memanfaatkan kebaikan negara demi kepentingan dirinya dengan memperkaya diri dan memiskinkan mereka yang kecil dan tak berdaya baik secara politis maupun secara hukum.

Sebagai bangsa bermartabat yang menjadikan demokrasi sebagai pilar bangsa ini maka, moralitas politik hendaknya dijadikan primat utama dalam membangun bangsa ini dari keterpurukan dan kemiskinan. Sebagai bangsa yang baru merdeka sudah semestinya perjuangan demi kepentingan bersama harus menjadi komitmen bersama, sehingga semua orang mendapat hak yang sama di depan konstitusi dan undang-undang. Jika prinsip-prinsip demokrasi diabaikan maka pengerdilan moralitas bangsa niscaya menjadi suatu yang mungkin, dengan demikian kebobrokan serta degradasi moral menjadi mungkin terjadi di berbagai aspek kehidupan bangsa ini. Dengan demikian pembangunan dan pemberdayaan demokrasi di bumi Lorosa’e ini akan terhambat bahkan terabaikan sebagai akibat dari pengabaian kepentingan bersama.

 Moralitas dalam ranah politik ditentukan oleh kesanggupannya untuk secara konsekuen mencari jalan yang terbaik untuk membawa masyarakat seluruhnya kepada sebuah kehidupan yang mencerminkan martabat luhur manusia. Kalau politik mencerminkan kesesuaian dengan cita-cita ini, maka politik dapat menjadikan etika politik sebagai kompas untuk memandu jalannya demokrasi di bumi Lorosa’e ini. Berkaitan dengan ini etika politik harus menempatkan dirinya sebagai pijakan dalam menempatkan kebijakan-kebijakan politik di bawah satu penilaian moral, khususnya kalau hal itu dituntut oleh penghormatan terhadap hak-hak asasi pribadi manusia atau demi kepentingan masyarakat. Di sini moralitas politik berperan memberikan penilaian moral terhadap pelaksanaan kebijakan-kebijakan politik.

Politik dalam dirinya mengandung nilai-nilai positif, sebagaimana prinsip fundamental dari politik itu yang mengarah kepada manusia sebagai subjek dan pelaku dari politik. Tujuan politik ialah kesejahteraan dan penataan hidup bersama dalam masyarakat. Maka yang menjadi tugas politik adalah menempatkan kekuasaan di bawah kontrol hukum dan dengan demikian menata pelaksanaannya secara terstruktur sehingga mekanisme dari praksis politik dapat dikontrol. Norma-norma hukum ini mutlak diperlukan sehingga tidak terjadi kesewenangan dan ketimpangan politik karena kepentingan-kepentingan partikular yang turut memainkan andil di dalam perhelatan politik.

Bukan suatu yang tabu lagi bahwa para politisi sering menggunakan arena politik sebagai sarana untuk memperjuangkan intensitas-intensitas pribadi maupun kelompok-kelompok tertentu dengan mengabaikan prinsip dasariah dari politik, yang memperjuangkan bonum commune. Karena itu, etika politik harus menjadi suatu norma sekaligus sebagai pemandu arah dan penentu kualitas pelaksanaan sistem politik demi terciptanya keadilan sosial dan kesejahteraan masyarakat. Dengan demikian maka, politik pertama-tama harus dipahami sebagai suatu pergerakan untuk membangun dan menciptakan tatanan hidup yang sejahtera, serta memperjuangkan masyarakat yang adil dan makmur. Perjuangan demi kesejahteraan bersama ini hanya akan tercapai jika kesadaran akan kepentingan bersama demi bonum commune telah tertanam dalam nurani setiap orang, maka dengan demikian perjuangan demi kepentingan partial dan kelompok dapat direduksi sehingga aktus korupsi dan malpolitik lainnya bisa diminimalisir bahkan diberantas.

Hannah Arendt, seorang filsuf keturunan Yahudi menegaskan bahwa politik merupakan ekspresi kebebasan yang termanifestasi melalui komunikasi di dalam ruang publik. Sehingga ketika ruang publik politik disalahartikan maka, politik akan berubah dari prinsip fundamentalnya menjadi politik pencarian profit dan kepentingan diri. Politik tidak lagi memperjuangkan kesejahteraan bersama melainkan kepentingan dan pemuasan para elit politik. Ruang publik politik dihipnotis menjadi lumbung untuk penumpukan harta benda, KKN, money politic, intrik-intrik politik kepentingan, politik manipulatif, dan beragam kesenjangan politik akan turut menghiasi panorama politik kepentingan tersebut. Politik deliberasi rasional dikikis menjadi politik kepentingan orang perorangan maupun kelompok, “demos politik” menjadi sunyi-senyap karena kemampuan rasionalitas kritis politik kehilangan daya taringnya ketika kepentingan dan pemuasan diri telah mendominasi realitas politik di bumi Lorosa’e ini.

Realitas kebobrokan politik yang nampak dalam aktus korupsi, politik uang dan beragam aktus malpolitik lainnya semakin marak berkembang dalam pentas politik karena moralitas politik tidak lagi mendapat perhatian dari para elit politik. Setiap orang berjuang demi memuaskan kepentingan-kepentingannya dan mengsubordinasikan kepentingan bersama, sehingga mereka yang apatis terhadap politik akan terus-menerus tergerus dan menjadi korban dari politik kepentingan kaum elit. Dan mereka yang “beruang” segala upaya dilakukan untuk mencapai apa yang menjadi target dan ambisi mereka dalam kancah politik. Maka, tepatlah apa yang menjadi kecemasan Thomas Hobbes bahwa manusia akan menjadi mangsa bagi yang lain (homo hamini lupus). Dengan kekuasaan orang dapat mengorbankan yang lain; mereka yang kecil dan tak berdaya di hadapan hukum dan konstitusi akan menjadi korban dari politik kepentingan yang dilakonkan oleh kaum elit dan para birokrat di negara ini.

Kekerasan politik telah menjadi realitas yang tidak pernah lepas dari panggung perpolitikan bangsa Timor Leste saat ini. Dimensi violatif politik ini tampak dalam kenyataan pembiaran secara serius kerusakan-kerusakan tatanan sosial, tindakan manipulatif, teror, pencemaran lingkungan hidup dan kejahatan-kejahatan lainnya yang secara masif dan terstruktur dilakonkan. Bentuk kekerasan politik yang paling fatal saat ini adalah aktus korupsi yang tak henti-hentinya menghiasi panorama politik di negara yang menjadikan demokrasi sebagai sistem dan wadah politiknya. Politik demokratisasi sering diterjemahkan secara salah oleh kaum berkepentingan dalam pentas politik. Politik seakan menjadi ruang pembenaran orang melakukan tindakan anarkis dan naif demi tujuan menghalalkan segala cara, dengan mengorbankan pihak yang lemah dan tak berdaya secara politis maupun secara hukum. Politik yang kelihatan suci, pada waktu yang sama bisa berubah menjadi politik kotor dan jahat ketika kepentingan pribadi (partikular) turut serta memainkan perannya.

Tidaklah salah jika dikatakan bahwa tiap kebijakan atau peraturan yang keluar dalam suatu negara, merupakan produk politik dari rezim yang sedang berkuasa. Di sinilah titik krusial dari politik itu. Sebab, subjektivitas tidaklah dengan sendirinya hilang, bahkan sering dapat mencuat manakala kekuasaan membesar pada seseorang atau sekelompok orang. Paling tidak, para penguasa akan mempengaruhi rumusan dan muatan dari suatu kebijakan publik atau peraturan yang keluar pada masa pemerintahannya. Hukum menjadi jinak dan kehilangan daya taringnya ketika kekuasaan dan jabatan dijadikan tameng untuk membentengi diri dan bebas dari hukum dan undang-undang. Pada tataran inilah moralitas politik memainkan perannya. Moralitas politik menjadi sangat penting dan urgent ketika politik dan kekuasaan politik serta kebijakan-kebijakan politik tidak lagi berjalan sesuai norma-norma politik yang ada sebagaimana politik dalam perspektif demokrasi di bumi Lorosa’e yang termanifestasi di dalam Konstitusi RDTL 2002.

Etika politik menjadi sangat penting dalam sebuah negara yang menjadikan demokrasi landasannya. Perang etika (moralitas)  politik menjadi sangat penting karena berbicara pada tataran nilai tentang negara dan proses-proses yang manusiawi di dalamnya. Moralitas politik menjadi tonggak pengambilan kebijakan-kebijakan politik serta membuka kesadaran akan pentingnya batas-batas etis menyangkut proses dan perilaku politik dalam suatu negara. Karena itu politik tidak bisa dibiarkan berjalan begitu saja, hanya sekadar diurus orang-orang tertentu atau diserahkan kepada para politisi semata karena jika demikian kekuasaan politik akan korup dan mendistorsi perjuangan demi kepentingan bersama yang di dalamnya turut membuka ruang untuk para koruptor memainkan perannya, yakni menguras dan mengambil apa yang menjadi hak orang lain.

aktus korupsi menjadi tantangan dalam membangun bangsa yang demokaratis ini. Jika korupsi tidak diberantas maka nahkoda bangsa ini akan diarahkan ke mana. Membawa Timor Leste ke arah pembangunan dan kesejahteraan atau sebaliknya? Jika korupsi tidak dikikis dan dipangkas maka praksis politik menjadi permainan kotor, tanpa moralitas dan etiket berpolitik yang sehat. Maka keindahan politik berubah menjadi bau amis yang menyengat dan keagungan kekuasaan menjelma menjadi medan yang menakutkan. Gelagat permainan politik para politisi yang korup akan menodai perjuangan bangsa ini menuju kemerdekaannya. Jika perilaku korupsi terus berkembang maka etika politik yang dibangun di negara demokrasi ini tidak lebih hanya sebuah ambisi untuk mendapatkan kursi kekuasaan tanpa sadar bahwa mereka dipilih oleh rakyat, untuk rakyat dan kepada rakyat. Tetapi, hal yang harus disadari adalah kebijakan publik politik  di dalam politik yang bersih dan jujur adalah  orientasi utama perjuangan bangsa ini menuju kemerdekaannya. Kepentingan dan kesejahteraan bersama menjadi jaminan kemerdekaan bangsa Timor Leste.

***

SISTEMA EDUKASAUN IHA TIMOR-LESTE:

                         Haré Husi Óptika Socio-Kultura Nian                             

Epoka globalizasaun no modernizasaun li-liu iha area teknolojia nebé mak mundo hasoru ohin loron,  halo mundu neé sai kiík iha ema nia matan. Ema bele asesu informasaun husi nasaun sira hotu, aumesmu tempu fisikamente nia iha fatin deit. Progresu avansadu ida neé  mós halo mundu sai kloót no kiík. Ema bele hadulas mundo ida neé iha loron hirak nia laran deit. Differente ho epoka medieval ka antes, ema persiza fulan ka to tinan atu hadulas mundo ida neé, nebé mak ró sai hanesan transporte nebé mak ideal iha tempu neba. Agora ho avião ema bele ba no tó fatin hot-hotu. Véikulu avião nebé iha halo distansia nebé mak doók no luan sai klót no badak. Realidade ida neé atu hatudu progresu avansadu no mudansa nebé mak lao ho velosidade lalais, li-liu iha area siensia, teknolojia no informasaun.  Realidade sira neé lao no eziste liu husi dalan ida deit, mak edukasaun.

Edukasaun sai hanesan elan vital ba ema hot-hotu. Tamba neé, nasaun hot-hotu iha mundu persiza no tenki kria kondisoens nebé bele halo ema hot-hotu hetan assesu ba edukasaun. Kondisaun sira neé bele liu husi edukasaun formal, bele mós edukasaun non-formal. Sistema edukasaun nebé transforma ida neé mós sai ejizensia husi nasaun Timor-Leste. Núdar nasaun jovem ida nebé mak tama iha progresu dezemvolvimentu nia laran, edukasaun sai fatores determinantes nebé mak urjente atu bele kria kondisoens rekursu umanu nebé mak ho kualidade diak atu bele transforma nasaun dezemvolvidu ida neé ba oin. tamba progressa nasaun nebé diak, persiza ema sira nebé mak espertu no iha konesimentu nebé mak global no komprehensivu atu bele konstrui no dezemvolve nasaun ida neé ho diak.

Edukasaun mós núdar maius atu promove nasaun husi mukit ka kiak nia laran. Li-liu mukit iha konesemento siensia no intelektual nian. Ita haré ba iha faktus ka realidade nebé mak lao hela iha nasaun Timor-Leste, edukasaun seidauk sai meius ida nebé mak elan vital no urjente atu responde prekupasoens nasaun nian. Governu no estadu seidauk fo importansia ba iha area no sistema edukasaun. Mesmu iha esforsu lubuk nebé mak koko atu aranza kondisaun hot-hotu maibé seidauk bele deskobre konaba saida mak sai necesario no principal liu iha edukasaun nia laran. Li-liu saida mak importante atu kapasita no hakbiít konesemento estudante sira iha nasaun foun ida neé. Problema ida neé, laos deit sai prekupasoens iha eskola públiku deit, maibé iha eskola privada sira mós sei hasoru realidade no dezafiu  ida neé. Karakter edukasaun iha nasaun ida neé ita bele dehan seidauk tama iha progresu nebé avansadu.

Wainhira koalia konaba sistema edukasaun defisil ita atu halo konseitu nebé mak komprehensivu no holistiku, tamba konseitu edukasaun nebé diak depende oinsa ninia implementasaun husi sistema edukasaun neé rasik. Razaun fundamentu mak, konseitu sistema edukasaun nebé komprehensivu laos deit konaba saida mak ema bele kapta no simu maibé oinsa mak implementasaun husi saida mak ema simu no hetan liu husi edukasaun. Jeralmente, implementasaun sistema edukasaun nebé mak lao hela iha nasaun ida neé, fo aproximasaun liu ba iha karektar verbal duke fo importansia ba iha implementasaun prátika-konkretu, seidauk iha internalizasaun ba valor husi moral-attitude no mós karakteristika personalidade husi pessoal formando ka estudante rasik. Ida neé sai hanesan prekupasaun importante nebé mak persiza toma atensaun husi governu, li-liu husi ministeriu edukasaun no orgaun governu nian nebé mak iha kompetensia ba iha area formasaun no edukasaun formal, tantu mós edukasaun non-formal nebé mak agora dadaun implementa hela iha nasaun ida neé. 

Haré ba iha realidade husi sistema edukasaun nebé mak iha, bele dehan sistema edukasaun nebé lao dadaun iha nasaun ida neé, husi periodu ba periodu sempre aumenta deit númeru dezempregus. Tinan-tinan husi eskola secúndario to iha nivel eskola superior ka universidade sira produs graduante no finalista sira nebé mak ho ninia kuantidade nebé ás teb-tebes. Kuantidade sira neé la kondiz ho kualidade husi graduante sira neé. Ho realidade neé bele dehan, nasaun Timor-Leste sai núdar nasaun independensia iha Asia nebé mak kada tinan sempre produs númerus dezempregus ho kuantidade nebé mak boót. Númeru graduante ka finalista sira sempre aumeta kada tinan, maibé kampu servisu nunka aumeta. Ita agora tama ona tinan 20 selebra aniversarios indepensia nian, maibé dezemvolvimentu seidauk deskobre iha area hot-hotu. Dezemvolvimentu nebé lao hela iha nasaun ida neé ita bele dehan marka-passu ka hakdasak hela iha fatin.

Liu husi situasaun neé ita bele dehan, sistema no karakter edukasaun iha nasaun ida neé seidauk bele transforma estudante sira atu la depende deit ba kondisoens nebé tenki preparadu, maibé sira rasik bele kria kondisoens ba sira nia-án rasik; estudante nebé mak iha abilidade kreativu no inovativu atu bele kria kampo-servisu ba sira nia-án rasik. Iha parte seluk mós sei hatudu katak, estudante barak mak sei moris ho karakter mal-adaptivu duke adaptivu ho realidade nebé iha. Konseitu no orientasaun estuda sei para deit iha atuasaun ka desempeñu (performace) deit, seidauk iha vizaun atu bele lori-án ba iha prestasaun (achievement). Karakter nebé mak fo importansia liu ba iha jestu fisiku deit duke abilidade no kapasidade intelektual. Bele dehan mós katak jovem barak eskola iha ensino superior (universidade) tan deit diploma ka “gensi-sosial” maibé, laiha objetivu husi estudo nebé mak nia halao. Tamba neé mak ita haré, iha deit jovem uit-oan mak suksesu iha sira nia carerra ka estudu nebé mak sira hatudu depois remata estudu. Maibé, ita bele dehan, ho ninia númeru nebé kiik.

            Iha parte seluk, asesu ba edukasaun seidauk hanesan ka sei iha deskrimanasaun. Progresu aprendizajem lalais no diak liu iha kapital duke iha eskola sira nebé mak iha area rurál sira. Atendimentu no prosesu ensinamentu ba eskola sira iha kapital diak no kualidade liu duke eskola sira iha foho. Nuneé mós instrumentu sira hodi fasilita no kapasita estudante sira mós lahanesan. Iha cidade eskola sira hetan ekipamentu nebé kompletu liu duke eskola sira iha area rurál, tanto mós konstrusaun fiziku eskola mós iha distansia nebé boót teb-tebes. Haré ba realidade sira iha leten afeita mós ba kualidade estudante sira. Prosesu no kualidade eskola sira nebé mak iha emjeralmente seidauk bele responde husi progresu dezemvolvimentu mundu ohin loron nian. Sistema edukasaun iha Timor-Leste seidauk bele dezemvolve rekursu-umanu iha jovem ka estudante Timor oan sira. Katak kapasita númeru rekursu umanu iha rai ida neé sei lao neneik no kiík liu.                                                                           Nuneé mós, progresu edukasaun nebé hanesan ba Timor-oan hotu seidauk konkretiza ho diak. Realidade socio-kultura nebé iha seidauk halo ema hot-hotu moris iha equaldade nia laran, sei iha diskrimasaun sosial entre sira nebé superior (mane) no sira nebé mak inferior (feto). Nasaun Timor-Leste núdar nasaun soberania nebé mak sei moris ho kustume no kultura. Dalabarak, kultura mós bele sai fator impedimentu ba prosesu aprendizajem husi estudante sira. Li-liu sistema patrilineal nebé mak dominan iha nasaun ida neé sei valoriza liu mane sira nia prezensa duke feto. Sei iha deskriminasaun jender. Mane asesu lais liu iha areia hot-hotu, duke feto nebé sai grupo sub-ordinadu iha sira nia realidade sosial. Realidade deskriminasaun sosial sei akontese iha fatin sira nebé sei makás ho lisan ka kultura. Iha estereotipe nebé dehan feto nia knaár ka profissaun mak iha uma laran deit, haré labarik, tein, fase roupa, sai servidor ba mane (lain kaben), iha dapur, no sel-seluk tan. Konsetu husi kustume sira neé sai núdar fatores impedimentu ba iha equaldade jeneru. Mesmo iha aksaun barak nebé sempre hakás-an atu luta ba equaldade jeneru nian, maibé sei iha prosesu nia laran. Situasaun ida neé, halo feto sira sai grupu nebé hetan deskriminasaun sosial ka alienadu iha sosiedade nia laran.                                                                                                                                                Iha pratika, edukasaun no kultura buat rua nebé labele haketak, edukasaun sai hanesan sistema transformasaun abilidade pessoal ka sosial nebé mak kapasita ema iha area intelijensia ka konesementu umana nian. Nuneé mós kultura sai hanesan abitualidade nebé mak bele transforma karakter umanidade nebé diak iha moral no etika iha sosiedade nia laran. Maibé, iha realidade kultura mós bele sai fatores nebé mak hamosu injustisa entre feto no mane. Sistema patrilineal nebé mak iha no moris iha kultura ida nia laran mós bele sai impedimentu ba ema, li-liu entre feto no mane. Iha kultura Timor-Leste realidade patrilineal sai ona estereotipe sosial nebé seidauk bele halakon. Estereotipe neé lafasil atu halakon ka halo mudansa nebé mak progresiva ba iha sistema ida neé. Prátika sub-ordinadu ba feto sai hanesan hahalok nebé mak abitua ona iha tempu nebé naruk, nebé mak ita bele dehan sei lao hela iha epoka nebé mak modernu no avansadu tiha ona neé.                                     Ita haré realidade sosio-kultura nebé mak eziste iha rai ida neé, ema sei moris iha dominasaun husi kustume ka kultura. Kustume no kultura sai hanesan sistema ida nebé sei iha influensia nebé mak makás iha ema Timor nia moris. Aksaun ka dalan nebé mak ita bele hola atu halo netralizasaun entre kultura no modernizasaun mak liu husi edukasaun. Edukasaun sai meius nebé mak prinsipal atu transforma ema no lori ema ba iha mundo nebé globalizadu. Nuné mós liu husi edukasaun ema Timor bele sai husi mukit intelektual no konesementu iha siensia nebé mak ohin loron avansadu ona. Atu bele toó iha neé persiza lideransa sira nia konsiensia atu tau matan ba sistema edukasaun iha nasaun ida neé. Katak, sistema edukasaun nebé tenki iha mak la fo importansia liu ba iha abilidade verbal no teoria maibé aproximasaun ba iha siensia nebé pratika no aplikasaun. Edukasaun nebé bele halo Timor-an moris rasik no bele moris ho dependensia ho sira nia kapasidade no abilidade rasik.                          Núdar nasaun nebé mak independensia, Governu no Estadu persiza fó atensaun máximu ba iha area formasaun no edukasaun. Li-liu edukasaun ho kualidade nebé diak ba eskola hot-hotu iha Timor laran tomak. Li-liu mak oinsa kapasita formadores liu husi treinamentu no formasaun, atu nuneé sira dedika sira-án atu sai ema nebé profesional no espertu iha sira nia area rasik, nuneé sira mós bele transforma estudante sira nebé mak sei tur hela iha banku apredizajem nian. Governu mós persiza kria kondisaun fiziku nebé saudavel no diak ba iha eskola sira iha fatin hot-hotu; hanesan instrumentu aprendizajem nian, kondisaun fiziku eskola nebé diak no mós fasilitasaun estuda nebé seguru no kompletu iha eskola sira hotu, husi kapital ba tó iha eskola sira iha area rurál sira. Ida neé sei hanesan vizaun nebé ideal maibé hakarak Timor-Leste sai nasaun nebé mak globalizadu no avansadu persiza iha implementasaun sistema edukasaun nebé mak komprehensivu no avansadu.

*** Charlly dela Costa, O'Carm

Alumni Pasca-Sarjana STFK Ledalero, Flores - NTT